ໃນຊ່ວງວັນທີ 19-22/10/2021 ຜ່ານມານີ້ ທີມງານພະແນກຊັບພະຍາກອນທຳມະຊາດແລະສິ່ງແວດລ້ອມ ແຂວງຫົວພັນ ໄດ້ລົງຊຸກຍູ້ການຈັດຕັ້ງປະຕິບັດວຽກງານ 9 ເດືອນ ແລະ ວາງທິດທາງແຜນການ 3 ເດືອນທ້າຍປີ 2021 ຂອງຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ຂອງຊຳເຫນືອ,ເມືອງແອດ, ເມືອງຊຽງຄໍ້ ແລະ ເມືອງສົບເບົາ.
ນໍາທີມ ໂດຍແມ່ນທ່ານ ສໍສະຫວັນ ບານຄຳມີ ເລຂາຄະນະພັກຮາກຖານ ຫົວໜ້າພະແນກ ຊ ສ ແຂວງ ພ້ອມດ້ວຍບັນດາຫົວໜ້າຂະແໜງ 8 ຂະແໜງພາຍໃນພະແນກ; ແຕ່ລະເມືອງມີການນໍາເມືອງ, ຕາງໜ້າບັນດາຫ້ອງການທີ່ກ່ຽວຂ້ອງຂັ້ນເມືອງ, ຫົວໜ້າ-ຮອງຫົວໜ້າຫ້ອງການ ຊ ສ ເມືອງ ພ້ອມດ້ວຍພະນັກງານວິຊາການ ເຂົ້າຮ່ວມຢ່າງພ້ອມພຽງ.