ວັນທີ 14 ກັນຍາ 2022 ນີ້  ທ່ານ ເພີດ ມາປັນຍາ ຮອງເລຂາພັກເເຂວງ ຜູ້ຊີ້ນຳວຽກງານການເມືອງ-ແນວຄິດ ພັກພະນັກງານຂັ້ນແຂວງ ພ້ອມດ້ວຍທີມງານຈາກ ອົງການກວດກາລັດ, ຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ ແລະ ຫ້ອງວ່າການແຂວງ ໄດ້ມາຊຸກຍູ້ ແລະ ເຮັດວຽກ ພົບປະໂອ້ລົມພະນັກງານ-ລັດຖະກອນ ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຢູ່ທີ່ຫ້ອງປະຊຸມໃຫ່ຍພະແນກຂອງຕົນ ເປັນກຽດຕ້ອນຮັບຂອງທ່ານ ສໍສະຫວັນ ບານຄຳມີ ເລຂາຄະນະພັກຮາກ ຖານ ຫົວໜ້າພະແນກ ຊສ ພ້ອມດ້ວຍຄະນະນຳພະແນກ, ຕະຫຼອດຮອດພະນັກງານ-ລັດຖະກອນ ,ອາ ສາສະມັກ ພາຍໃນພະແນກເຂົ້າຮ່ວມທັງໝົດ 52 ຄົນ,ຍິງ 19 ຄົນ;

ໃນກອງປະຊຸມຍັງໄດ້ຮັບການລາຍງານສະພາບການຈັດຕັ້ງປະຕິບັດວຽກງານຂົງເຂດຊັບພະຍາກອນທຳມະຊາດ ແລະ ສິ່ງແວດ ລ້ອມໂດຍຫຍໍ້ ໃນໄລຍະຜ່ານມາ ຊຶ່ງໄດ້ຍົກໃຫ້ເຫັນດ້ານດີຜົນງານທີ່ຍາດມາໄດ້  ແລະ ດ້ານອ່ອນຄົງຄ້າງ ທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ ເພື່ອຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໂດຍຕິດພັນກັບການແກ້ໄຂສອງວາລະແຫ່ງຊາດໂດຍຫຍໍ້ ແລະ ຂໍ້ສະເຫນີຕ່າງໆຈາກການນຳພະແນກ ແລະ ພະນັກ ງານ ໂອກາດນີ້ ທ່ານຮອງເຈົ້າແຂວງກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່ການນຳພະແນກ ແລະ ພະນັກງານ ພຊສ ແຂວງ ຍາດມາໄດ້ໃນໄລຍະຜ່ານມາ ພ້ອມທັງເນັ້ນໝັກໃຫ້ການນຳທຸກຂັ້ນຈົ່ງພ້ອມກັນເອົາໃຈໃສ່ຈັດຕັ້ງປະຕິບັດວຽກງານສອງວາລະແຫ່ງຊາດ ຄືວ່າດ້ວຍການແກ້ໄຂບັນຫາຢາເສບຕິດ ແລະ ແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ

ແລະ ເອົາໃຈໃສ່ຊຸກຍູ້ວຽກງານ ຊສ ພາຍໃນແຂວງຂອງຕົນໃຫ້ປະຕິບັດໜ້າທີ່ວຽກງານວິຊາສະເພາະຢ່າງມີຄວາມຮັບຜິດຊອບສູງ ແລະ ສູ້ຊົນໃຫ້ໄດ້ຕາມແຜນການທີ່ວາງໄວ້, ເພີ່ມທະວີໃນການເຝິກຝົນຫລໍ່ ຫລອມຕົນເອງຕ້ອງເປັນຄົນກ້າ ເຮັດ ກ້າຮັບຜິດຊອບ, ເພີ່ມທະວີຄວາມສາມັກຄີພາຍໃນໃຫ້ມັນດີ ແລະ ເປັນແບບຢ່າງຂອງສະມາຊິກພັກທີ່ດີ ແລະ ຍັງໄດເຮຽກຮ້ອງໃຫ້ບັນດາພະນັກງານຫຼັກແຫຼ່ງສືບຕໍ່ເປັນຄັນທຸງໃຫ້ພະນັກງານຕິດພັນຕິດພັນກັບຄວາມເປັນແບບຢ່າງໃນ 7 ໜ້າທີ່ຂອງສະມາຊິກພັກ ແລະ ເປັນແບບຢ່າງທີ່ດີໃຫ້ແກ່ພະນັກງານທົ່ວໄປ, ພ້ອມກັນເປັນເຈົ້າການຕ້ານການຫຼີ້ນກິນຟູມເຟື້ອຍ,ປະ ຢັດມັດທະຢັດ ແລະ ເອົາໃຈໃສ່ເຮັດວຽກງານປ້ອງກັນຊາດ,ປ້ອງກັນຄວາມສະຫງົບຢູ່ພາຍໃນອົງກອນຂອງຕົນໃຫ້ມີຄວາມສະຫງົບໂດຍພື້ນຖານ ພ້ອມກັນຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆທີ່ເກີດຂື້ນຢູ່ໃນສັງຄົມ ໂດຍສະເພາະແມ່ນບັນຫາການລັກລອບຄ້າຂາຍຢາເສບຕິດ,ບັນຫາຂີ້ລັກງັດແງະ ເພື່ອສືບຕໍ່ໂຄສະນາເຜີຍແຜ່ຜົນຮ້າຍຂອງຢາເສບຕິດໃຫ້ຮັບຮູ້ທົ່ວສັງຄົມ ເພີ່ມທະວີການຈັດຕັ້ງປະຕິບັດວຽກງານຮ່ວມມືກັບຕ່າງປະເທດດີຂື້ນເປັນກ້າວໆ.