ວັນທີ 4 ພະຈິກປີ 2022 ຮາກຖານຊາວໜຸ່ມ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນໄດ້ຈັດກອງປະຊຸມສະຫຼຸບຜົນການຈັດຕັ້ງປະຕິບັດວຽກງານຊາວໜຸ່ມ ແລະ ວຽກງານປະເມີນເນື້ອໃນຂໍ້ແຂ່ງຂັນ 4 ບຸກປະຈໍາປີ 2022 ແລະ ວາງທິດທາງແຜນການປີ 2023 ຂອງຮາກຖານຊາວຫນຸ່ມ ຂື້ນຢູ່ທີ່ຫ້ອງປະຊຸມໃຫ່ຍຊັ້ນ 3 ພະແນກຂອງຕົນ. ໂດຍພາຍໃຕ້ການເປັນປະທານ ຂອງສະຫາຍ ພອນສິນ ພົມປານດາ ຄະນະພັກຮາກຖານພະແນກ ຮອງຫົວໜ້າພະແນກຊັັບພະຍາກອນທຳມະຊາດ ແລະ ສິ່ງແວດລ້ອມແຂວງ, ສະຫາຍ ພົມມາ ຮຸ່ງນະຄອນ ຄະນະປະຈຳ ຄະນະບໍລິຫານງານຊາວໜຸ່ມແຂວງ ຫົວພັນ ມີແຂກຖືກເຊີນຈາກໜ່ວຍຊາວໜຸ່ມແຮກສ່ຽວກອງບັນຊາການທະຫານຫ້ອງ ການເມືອງ,ຫນ່ວຍຊາວໜຸ່ມຄະນະຈັດຕັ້ງແຂວງ,ຫນ່ວຍຊາວໜຸ່ມຄະນະກວດກາພັກແຂວງ,ມີຮອງເລ ຂາຄະນະຮາກຖານ ຕະຫຼອດຮອດສະມາຊິກຊາວໜຸ່ມ ເຂົ້າຮ່ວມ 50 ກ່ວາຄົນ.

ກອງປະຊຸມ ສະຫາຍພູນມີໄຊ ເພັງຄຳຮັກ ເລຂາຮາກຖານຊາວໜຸ່ມ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ໄດ້ຜ່ານ ບົດສະຫຼຸບການຈັດຕັ້ງປະຕິບັດວຽກງານຮອບດ້ານຊາວໜຸ່ມ ສົກປີ 2022 ແລະ ວາງທິດທາງແຜນການ ປີ 2022 ຂອງຮາກຖານຊາວໜຸ່ມ ທົ່ວຮາກຖານ ປະກອບມີ 3 ຫນ່ວຍຂື້ນກັບຄື: ຫນ່ວຍບໍລິຫານ,ຫນ່ວຍທີ່ດິນ ແລະ ຫນ່ວຍສິ່ງແວດລ້ອມ,ມີຄະນະຮາກຖານ 4 ສະຫາຍ,ຍິງ 1ສະຫາຍ,ມີເລຂາຄະນະຫນ່ວຍ 10 ສະຫາຍ,ຍິງ 4 ສະຫາຍ,ມີສະມາຊິກຊາວໜຸ່ມທັງໝົດ 36 ສະຫາຍ, ຍິງ 18 ສະຫາຍ,ມີຊາວໝຸ່ມຕະລຸມບອນ 19 ສະຫາຍ,ຍິງ 3 ສະຫາຍ;ໃນຮາກຖານມີສະມາຊິກພັກທັງໝົດ 22 ສະຫາຍ, ຍິງ 13 ສະຫາຍ,ສໍາຮອງ 2 ສະຫາຍ,ພົ້ນອາຍຸກະສຽນແລ້ວ 15 ສະຫາຍ,ຍິງ 8 ສະຫາຍ ໃນ 1 ປີຜ່ານມາຂະຫຍາຍມະຫາຊົນຜູ້ກ້າວໜ້າ ໄດ້ຮຽນສະໜັບສະໜູນ 1 ສະຫາຍ,ຮຽນກົດລະບຽບຂອງພັກ 2 ສະຫາຍ, ຍິງ 1 ສະຫາຍ, ໄດ້ສຶກສາອົບຮົມວຽກງານການເມືອງແນວຄິດອ້າຍນ້ອງຊາວໜຸ່ມເປັນປົກກະຕິ ໃນຮາກຖານມີເງິນຄັງທັງໝົດ 5 ລ້ານກ່ວາກີບ, ປະຈຸບັນຮາກຖານຊາວໝຸ່ມພະແນກ ຊສ ແຂວງ ໄດ້ຮັບນາມມະຍົດ 4 ບຸກ ຄັ້ງທີ I ຂອງຮາກຖານ ແລະ ນາມມະຍົດຄັ້ງທີ I ຂອງແຕ່ລະຫນ່ວຍ,ໄດ້ເຂົ້າຮ່ວມເປັນສະມາຊີກກອງທືນຊ່ວຍເຫຼືອເຊິ່ງກັນແລະກັນຂອງ3ອົງການຈັດຕັ້ງມະຫາຊົນຈຳນວນ 25 ສະຫາຍ,ໄດ້ເຂົ້າຮ່ວມກອງປະຊຸມ ຂອງຊາວໜຸ່ມແຂວງຈັດຂື້ນ 6 ຄັ້ງ,ສ້າງຂະບວນການອອກແຮງງານລວມຕ່າງໆຂອງແຂວງໄດ້ 8 ຄັ້ງມີຜູ້ເຂົ້າຮ່ວມ 245 ເທື່ອຄົນ,ມອບອຸປະກອນການສືກສາ,ຕ້ານໄຟໜາວຊ່ວຍເຫຼືອບັນເທົາທຸກໃຫ້ແກ່ປະຊາຊົນ ແລະ ຊາວໜຸ່ມຜູ້ດ່ອຍໂອກາດຢູ່ເຂດຫ່າງໄກສອກຫຼີ້ກ 3 ຄັ້ງ,ສ້າງຂະບວນການອອກແຮງງານລວມ ຂອງແຂວງໄດ້ 8 ຄັ້ງ ມີຜູ້ເຂົ້າຮ່ວມ 145 ສະຫາຍ,ເຂົ້າຮ່ວມພິທີພົບປະແລກປ່ຽນບົດຮຽນວຽກງານຊາວໜຸ່ມແຂວງໄດ້ 3 ຄັ້ງ,ເຂົ້າຮ່ວມຂະບວນການປູກຕົ້ນໄມ້ຕ່າງໆນໍາຊາວໜຸ່ມແຂວງໄດ້ 1 ຄັ້ງ,ເຕົ້າໂຮມອ້າຍນ້ອງຊາວໜຸ່ມພາຍໃນຮາກຖານສ້າງຂະບວນການອອກແຮງງານລວມຂອງພະແນກໄດ້ 30 ຄັ້ງ,ເຂົ້າຮ່ວມສ້າງຂະບວນການແຂ່ງຂັນກິລາ ຂອງແຂວງ ແລະ ພະແນກຈັດຂື້ນໄດ້ 14 ຄັ້ງ,ຮາກຖານໄດ້ຈັດກອງປະຊຸມແຮກສ່ຽວລະຫວ່າງໜ່ວຍຊາວໜຸ່ມກອງບັນຊາການທະຫານແຂວງ,ຫນ່ວຍຊາວໜຸ່ມຄະນະຈັດຕັ້ງແຂວງ,ຫນ່ວຍຊາວໜຸ່ມຄະນະກວດກາພັກແຂວງ ກັບ ຮາກຖານຊາວໜຸ່ມພະແນກ ຊສ ແຂວງ ໄດ້ 1 ຄັ້ງ, ເຂົ້າຮ່ວມພິທີມອບໃບຢັ້ງຢືນ 4 ບຸກນໍາບັນດາໜ່ວຍແຮກສ່ຽວໄດ້ 3 ຄັ້ງ, ຈັດພິທີອວຍພອນ ໜ່ວຍຊາວໜຸ່ມທະຫານແຂວງ ເນື່ອງໃນວັນສໍາຄັນຕ່າງໆຂອງທະຫານໄດ້ 2 ຄັ້ງ,ເຂົ້າຮ່ວມ ສະເຫຼີມສະຫຼອງວັນສິ່ງແວດລ້ອມໂລກວັນທີ 5 ມີຖຸນາ ເຊິ່ງໄດ້ນໍາຂະບວນຊາວໜຸ່ມເກັບຂີ້ເຫຍີ້ອອ້ອມເທດສະບານເມືອງຊຳເໜືອ ແລະ ປູກຕົ້ນໄມ້ ຢູ່ອ້ອມຂ້າງຂອບເຂດຄວາມຮັບຜິດຊອບພະແນກຂອງຕົນຈຳນວນ 200 ກ່ວາຕົ້ນ,ເຂົ້າຮ່ວມຟັງປະຖັກກະຖາ ແລະ ເຜີຍແຜ່ເອກະສານຕ່າງໆຂອງແຂວງຈັດຂື້ນໄດ້ 20 ຄັ້ງ, ເຂົ້າຮ່ວມຕ້ອນແຂກນໍາຊາວໜຸ່ມແຂວງໄດ້ 2 ຄັ້ງ ຈາກນັ້ນໄດ້ວາງທິດທາງແຜນການ ປີ 2023 ຈະໄດ້ກະກຽມເປີດກອງປະຊຸມໃຫ່ຍຄັ້ງທີສາມຂອງຮາກຖານຊາວໜຸ່ມໃຫ້ສຳເລັດ;ຊຸກຍູ້ສະມາຊີກຊາວໜຸ່ມສ້າງວຽກເຮັດງານທຳເປັນແບບຢ່າງ 3 ຄອບຄົວຂື້ນໄປ;ສະເໜີມະຫາຊົນຜູ້ກ້າວຫນ້າໃຫ້ໄດ້ຮຽນສະໜັບສະໜູນ ແລະ ຮຽນກົດລະບຽບພັກໃຫ້ໄດ້ 2 ສະຫາຍຂື້ນໄປ;ສ້າງຄັ້ງດ້ວຍຫລາຍຮູບການໃຫ້ໄດ້ 2,500,000 ກີບ ແລະ ຈັດຕັ້ງບຸກທະລຸດ້ານວຽກງານການຈັດຕັ້ງ ແລະ ດ້ານວິຊາຊີບສ້າງວຽກເຮັດງານທຳໃຫ້ໄດ້ 95 % ຂື້ນໄປ

ຕອນທ້າຍ ກອງປະຊຸມ ສະຫາຍ ພອນສິນ ພົມປານດາ ປະທານກອງປະຊຸມ ໄດ້ມີຄຳເຫັນໂອ້ລົມກ່ອນອື່ນທ່ານໄດ້ຍ້ອງຍໍຊົມເຊີຍມາຍັງຮາກຖານທີ່ສາມາດເຄື່ອນໄຫວຕາມໜ້າທີ່ຂອງຊາວໜຸ່ມ ແລະ ທ່ານໄດ້ເໜັ້ນໜັກໃຫ້ສືບຕໍ່ ຕາມເນື້ອໃນຂໍ້ແຂ່ງ 4 ບຸກຄື: ບຸກດ້ານແນວຄິດ,ບຸກດ້ານການເຝິກຝົນຫຼໍ່ຫຼອມຮໍ່າຮຽນ  ບຸກດ້ານວຽກງານການຈັດຕັ້ງ, ບຸກດ້ານວິຊາຊີບ ແລະ ການສ້າງວຽກເຮັດງານທຳ, ສືບຕໍ່ເຂົ້າຮ່ວມຂະບວນການຕ່າງໆຂອງແຂວງ ເປັນຕົ້ນກຳລັງແຮງຊາວໜຸ່ມ ເໜັ້ນໃຫ້ສ້າງຄັງ ເຂົ້າຮາກຖານໃຫ້ມີກອງທຶນໃຫ່ຍຂື້ນ ແລະ ນໍາເອົາບົດສະຫຼຸບແລະແຜນການຄັ້ງນີ້ໄປຈັດຕັ້ງເຊື່ອມຊືມ ແລະ ຜັນຂະຫຍາຍໃນຂອບເຂດຄວາມຮັບຜິດຊອບຂອງຕົນໃຫ້ເປັນແຜນການລະອຽດຂອງແຕ່ລະຫນ່ວຍດ້ວຍຄວາມຮັບຜິດຊອບສູງ ແລະ ຈັດຕັ້ງປະຕິບັດໃຫ້ປະກົດຜົນເປັນຈິງ.