ຕອນເຊົ້າວັນທີ 14 ທັນວາ 2022 ນີ້ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ໄດ້ຈັດພິທີມອບລົດຟໍຈູນເນີ ແລະ ອຸປະກອນຮັບໃຊ້ວຽກງານວິຊາສະເພາະ ຂອງແຜນງານທີ່ດິນໃຫ້ແກ່ຄູ່ຮ່ວມງານຈາກໂຄງການ GIZ ຂຶ້ນຢູ່ທີ່ຫ້ອງປະຊຸມໃຫ່ຍພະແນກຂອງຕົນ,ເປັນກຽດເຂົ້າຮ່ວມຂອງທ່ານ ວົງເພັດ ກຽນສິງຮັກ ຄະນະປະຈຳພັກແຂວງ ປະທານແນວລາວສ້າງຊາດແຂວງ  , ມີທ່ານ ແບຼນ ເມເຊີມິດ ອໍານວຍການແຜນງານໂຄງການ GIZ ,ທ່ານ ສີສົມພອນ ເພັດດາວເຮືອງ ຮອງຫົວໜ້າກົມຮ່ວມມືສາກົນກະຊວງແຜນການ, ທ່ານ ສໍສະຫັວນ ບານຄຳມີ ເລຂະຄະນະພັກຮາກຖານ ຫົວໜ້າພະແນກ ຊສ ແຂວງຫົວພັນ ບັນດາທ່ານແຂກຈາກທີມງານສູນກາງ,ພະແນກການທີ່ກ່ຽວຂ້ອງພາຍໃນແຂວງ ພ້ອມພະນັກງານ - ລັດຖະກອນ ຈາກບັນດາຂະແຫນງການພາຍໃນພະແນກ ຊສ ແຂວງເຂົ້າຮ່ວມເປັນສັກຂີພິຍານ.

ໃນພິທີ   ທ່ານ ແບນ ເມເຊີມິດ ອໍານວຍການແຜນງານໂຄງການ GIZ ໄດ້ກ່າວມອບລົດໃຫ່ຍ ຍີຫຍໍ້ ຟໍຈູນເນີ (FORTUNER) ຫມາຍເລກທະບຽນ ກຳແພງນະຄອນ ກກ 5755 ແລະ ອຸປະກອນຕ່າງໆ ຈຳນວນໜຶ່ງເຊັນ: ແລັບທັອບ,ປຼີ້ນເຕີ,ຈັກກອ໋ບປີຈາກແຜນງານໂຄງການ GIZ  ໃຫ້ພະແນກ ຊສ ແຂວງຫົວພັນເປັນຜູ້ນຳໃຊ້   ທ່ານ ສໍສະຫັວນ ບານຄໍາມີ ເລຂາຄະພັກຮາກຖານ ຫົວໜ້າພະແນກ ຊສ ແຂວງຫົວພັນ ເປັນຜູ້ກ່າວຮັບ ຈາກນັ້ນ ທ່ານ ສໍສະຫັວນ ບານຄໍາມີ  ຕາງຫນ້າຄະນະພັກ, ຄະນະນຳພະແນກ ຊສ ແຂວງ ກໍ່ໄດ້ກ່າວຄຳຂອບອົກຂອບໃຈມາຍັງການນຳພັກ-ລັດ ຂັ້ນແຂວງ,ກະຊວງ  ແລະ ຜູ້ຕາງຫນ້າແຜນງານໂຄງການ GIZ  ທີ່ເປັນຫ່ວງເປັນໃຍ ແລະ ເອົາໃຈໃສ່ຊ່ວຍເຫຼືອ ແລະ ໃຫ້ຄຳໜັ້ນວ່າ ຈະນຳໃຊ້ລົດປະກອບເຂົ້າໃນວຽກງານຊັບພະຍາກອນທຳມະຊາດ ແລະ ສິ່ງແວດລ້ອມ ພາຍໃນຂົງເຂດແຂວງ ແລະ ຮັບໃຊ້ວຽກງານໂຄງການດັ່ງກ່າວ ໃຫ້ມີຄວາມເຂັ້ມແຂງຂື້ນເລື້ອຍໆ; ຕອນທ້າຍຂອງພິທີ ທ່ານ ວົງເພັດ ກຽນສິງຮັກ ຄະນະປະຈຳພັກແຂວງ ປະທານແນວລາວສ້າງຊາດແຂວງຕາງຫນ້າການນໍາແຂວງ ກໍ່ຍັງໄດ້ເນັ້ນໃຫ້ພະແນກ ຊສ ແຂວງ  ນຳໃຊ້ພາຫະນະ ແລະ ອຸປະກອນດັ່ງກ່າວດ້ວຍຄວາມຮັບຜິດຊອບສູງພ້ອມທັງປົກປັກຮັກສາໃຫ້ນຳໃຊ້ໄດ້ຢ່າງມີປະສິດທິຜົນ ແລະ ຍາວນານ