ຕອນເຊົ້າວັນທີ 06 ມັງກອນ 2021 ນີ້ ພະແນກຊັບພະຍາກອນທໍາມະຊາດ ແລະ ສິ່ງແວດ ລ້ອມແຂວງ ໄດ້ຈັດພິທີມອບ-ຮັບເຄື່ອງອຸປະກອນຮັບໃຊ້ວຽກງານວິຊາສະເພາະ(ເຄື່ອງຄອມພີວເຕີ ແລະ ໂດນ Drone)  ຂຶ້ນຢູ່ທີ່ຫ້ອງປະຊຸມຊັ້ນສາມພະແນກຂອງຕົນ,ເປັນກຽດເຂົ້າຮ່ວມຂອງທ່ານ ແກ້ວປະສິດ ນືກມະນີວົງ ຄະນະຮາກຖານພັກ ຮອງຫົວຫນ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ,ທ່ານ ອິດທິພົມ ຈັນທະມາລີນ ຮອງຫົວຫນ້າກົມທີ່ດິນ ກະຊວງຊັບພະຍາກອນທຳ ມະຊາດ ແລະ ສິ່ງແວດລ້ອມ ,ທ່ານ ກອງແກ້ວ ພະຈອມພົນ ຮອງຫົວໜ້າກົມຄຸ້ມຄອງພັດທະນາທີ່ດິນກະຊວງກະສິກຳ ແລະ ປ່າໄມ້ ,ທີມງານງານທັງສອງກະຊວງ,ທີ່ປືກສາ GIZ ແລະ ບັນດາທ່ານຫົວຫນ້າ,ຮອງຫົວຫນ້າຂະແຫນງຈາກສອງພະແນກການ, ພ້ອມດ້ວຍພະນັກງານ - ວິຊາການພາກປະຈຳສະຫນາມເຂົ້າຮ່ວມເປັນສັກຂີພິຍານນໍາດ້ວຍ

          ຮາກຖານພັກ ພະແນກ ຊສ ແຂວງຫົວພັນ ສຳ​ເລັດ​ປະເມີນການກໍ່ສ້າງຫນ່ວຍພັກ ປອດໃສ,ເຂັ້ມແຂງ,ໜັກແໜ້ນ ຂອງ 3 ຫນ່ວຍພັກ ທີ່ຂື້ນກັບຮາກຖານພັກພະແນກ ປະຈຳປີ 2021 ໃນລະຫວ່າງວັນທີ່ 15-16 ທັນວາ 2021 ຜ່ານມານີ້,ຢູ່ທີ່ຫ້ອງປະຊຸມ ພະແນກການຂອງຕົນ ດ້ວຍບັນຍາກາດທີ່ຟົດຟື້ນ ເຊິ່ງດຳເນີນເປັນເວລາ 2 ວັນຈິ່ງສໍາເລັດ,ພາຍໃຕ້ການເຂົ້າຮ່ວມເປັນປະທານຂອງ ສະຫາຍ ສໍສະຫວັນ ບານຄຳມີ ,ເລຂາຄະນະພັກຮາກຖານ,​ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫົວພັນ,​ ມີຄະນະພັກຮາກຖານ,ເລຂາຫນ່ວຍພັກ ທັງ 3 ຫນ່ວຍຄື: ຫນ່ວຍພັກທີ່ດິນ,ສິ່ງແວດລ້ອມ ແລະ ບໍລິຫານ,ມີຜູ່ຕ່າງຫນ້າອົງການຈັດຕັ້ງພາຄີ,ບັນດາທ່ານແຂກຖືກເຊີນຈາກພາກສ່ວນທີ່ກ່ຽວຂ້ອງຂັ້ນແຂວງ,ຕະຫຼອດຮອດສະມາຊິກພັກບູນສົມ ແລະ ສຳຮອງພາຍໃນພະແນກເຂົ້າຮ່ວມ 30 ກວ່າສະຫາຍ.

ວັນທີ 15 ພະຈິກ ປີ 2021 ຮາກຖານຊາວໜຸ່ມ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ ໄດ້ຈັດກອງປະຊຸມສະຫຼຸບຜົນຕີລາຄາການຈັດຕັ້ງປະຕິບັດວຽກງານຊາວໜຸ່ມຮອບດ້ານ ພ້ອມທັງປະເມີນເນື້ອໃນຂໍ້ແຂ່ງຂັນ 4 ບຸກ ປະຈຳປີ 2021 ແລະ ວາງທິດທາງແຜນການປີ 2022 ຢູ່ທີ່ຫ້ອງປະຊຸມຊັ້ນ 3 ພະແນກຂອງຕົນ. ໂດຍພາຍໃຕ້ການເປັນປະທານຂອງ ສະຫາຍ ສໍສະຫວັນ ບານຄຳມີ ເລຂາຄະນະພັກຮາກຖານ ຫົວໜ້າພະແນກຊັັບພະຍາກອນທຳມະຊາດ ແລະ ສິ່ງແວດລ້ອມແຂວງ, ເປັນກຽດເຂົ້າຮ່ວມໂດຍ ສະຫາຍ ລອນຄໍຳ ສຸຂະວົງ ຮອງເລຂາຄະນະບໍລິຫານງານຊາວໜຸ່ມ ແຂວງຫົວພັນ ມີຜູ້ຕ່າງໜ້າຈາກຮາກຖານກໍາມະບານ,ສະຫະພັນແມ່ຍິງຮາກຖານແຂກຖືກເຊີນ,ມີສະຫາຍເລຂາ, ຮອງເລຂາຄະນະຮາກຖານ ຕະຫຼອດຮອດສະມາຊິກຊາວໜຸ່ມພາຍໃນຮາກຖານພະແນກ ເຂົ້າຮ່ວມ 50 ກ່ວາຄົນ.

ຕອນບ່າຍວັນທີ່ 27 ຕຸລາ 2021 ນີ້ ຫນ່ວຍພັກທີ່ດິນ ທີ່ຂື້ນກັບ ຮາກຖານພັກ ພະແນກ ຊ ສ ແຂວງຫົວພັນ ໄດ້ຈັດພິທີ ຮັບເອົາມະຫາຊົນ ກ້າວຫນ້າເຂົ້າເປັນສະມາຊິກພັກສົມບູນ ຈຳນວນ 1 ສະຫາຍ ຄື: ສະຫາຍ ນາງ ກິ່ງສະໄໝ ວິຈິດວົງສາ  ຕາມມະຕິຕົກລົງຂອງຄະນະປະຈຳພັກແຂວງສະບັບເລກທີ270/ຄປຈຂ.ຫພ,ລົງວັນທີ່ 06 ຕຸລາ 2021 ວ່າດ້ວຍ ການຮັບເອົາມະຫາຊົນກ້າວຫນ້າເຂົ້າເປັນສະມາຊິກພັກສົມບູນ ຢູ່ທີ່ຫ້ອງປະຊຸມ ພະແນກ ຂອງຕົນ  ໂດຍການເຂົ້າ ຮ່ວມເປັນປະທານ ຂອງສະຫາຍ ສໍສະຫວັນ ບານຄຳມີ  ເລຂາຄະນະພັກຮາກຖານ ຫົວໜ້າພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງຫົວພັນ,ສະຫາຍເລຂາຫນ່ວຍ,ຄະນະຫນ່ວຍພັກ ອົງການຈັດຕັ້ງພາຄີ ພ້ອມດ້ວຍສະມາຊິກພັກສົມບູນ ແລະ ສຳຮອງເຂົ້າຮ່ວມ 15 ສະຫາຍ;ຍິງ 5 ສະຫາຍ.

ຕອນເຊົ້າວັນທີ 20 ຕຸລາ 2021 ນີ້ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງຫົວພັນ,ໄດ້ເປີດຊຸດຝຶກອົບຮົມ ການນໍາໃຊ້ (program: QGIS 3.16) ເບື້ອງຕົ້ນໃຫ້ແກ່ເມືອງນອກເປົ້າຫມາຍ ຂອງແຜນງານທີ່ດິນ ຂື້ນທີ່ຫ້ອງປະຊຸມ ຖໍ້າງູເຫຼື້ອມ ເມືອງວຽງໄຊ ແຂວງຫົວພັນ.