ລະຫ່ວາງວັນທີ 10-11 ພືດສະພາ 2021 ນີ້ ຄະນະທີມງານທີ່ກ່ຽວຂ້ອງ ພາຍໃນພະແນກ ຊັບພະຍາ ກອນທຳມະຊາດ ແລະ ສິ່ງແວດລ້ອມ ແຂວງຫົວພັນ ນຳໂດຍ ທ່ານ ສະຖຽນ ວັນນະສຸກ ເລຂາຄະນະພັກຮາກຖານ ຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍທີມງານ ໄດ້ເຄື່ອນໄຫວລົງຊຸກຍູ້ຂົງເຂດວຽກງານ ຊັບພະຍາກອນທຳມະຊາດ ແລະ ສິ່ງແວດລ້ອມ ຢູ່ 3 ເມືອງຄື: ເມືອງວຽງໄຊ, ເມືອງ ຊຳໃຕ້ ແລະ ເມືອງກັວນ.ຈຸດປະສົງໃນການລົງຊຸກຍູ້ວຽກງານຄັ້ງນີ້ເພື່ອຊຸກຍູ້ຕິດຕາມການຂື້ນທະບຽນ-ພິສູດຫຼັກຖານ ແລະອອກໃບຕາດິນ,ພ້ອມທັງມອບເຄື່ອງອຸປະກອນເປັນຕົ້ນຄອມພີວເຕີແບບຕັ່ງໂຕະ,ໂນດບຸກ ເເລະ ເງິນຈຳນວນຫນື່ງເພື່ອຮັບໃຊ້ເຂົ້າໃນການຈັດ ຕັ້ງປະຕິບັດຂົງເຂດວຽກງານ ຊສ,ທັງແນະນໍາບາງວຽກງານວິຊາສະເພາະໃນນັ້ນໄດ້ມອບເງິນໃຫ້ເມືອງວຽງໄຊຈຳນວນ 10 ລ້ານກວ່າກີບ;ເມືອງຊຳໃຕ້ ມີຄອມແບບຕັ້ງໂຕະແລະແບບໂນດບຸກແນວລະ 1 ຊຸດ ພ້ອມເງິນ 9 ລ້ານກວ່າກີບ,ສ່ວນເມືອງກັວນ ມີເຄື່ອງອຸປະກອບຮັບໃຊ້ເປັນຕົ້ນຄອມຕັ້ງໂຕຈຳນວນ 2 ຊຸດແລະເງິນ 9 ລ້ານກວ່າກີບ ເພື່ອນຳໃຊ້ເຂົ້າໃນການຈັດຕັ້ງປະ ຕິບັດວຽກງານຊັບພະຍາກອນທຳມະຊາດ ແລະສິ່ງແວດລ້ອມຂັ້ນເມືອງ.

ວັນທີ 05 ເມສາ 2021​ ນີ້ ກົມແຜນການ ແລະ​ການເງິນ​ ກະຊວງ​ ຊສ ມາສົມທົບກັບພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ ແລະ ບໍລິສັດຮັບເໝົາກໍ່ສ້າງລົງ​ຕິດຕາມ,​ ກວດກາການກໍ່ສ້າງຫ້ອງການຊັບພະຍາກອນທໍາມະຊາດ ແລະ ສິ່ງແວດ ລ້ອມ ເມືອງຮ້ຽມ; ນຳທີມໂດຍ ທ່ານ ສະຖຽນ ວັນນະສຸກ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫົວພັນ​ແລະ​ທ່ານສຸກສະໝອນ ປະຖັມມະວົງ ຮອງຫົວໜ້າກົມແຜນການ ແລະການເງິນ ກະຊວງ​ ຊສ​ ພ້ອມດ້ວຍທີມງານກະຊວງ, ແຂວງ,​ເມືອງ​ ເຂົ້າຮ່ວມ 10 ກ່ວາຄົນ.

ວັນທີ 29 - 31 ມີນາ 2021 ຜ່ານມານີ້, ທີມງານ ໂຄສະນາສ້າງຈິດສໍານຶກ ດ້ານສິ່ງແວດລ້ອມ ຂັ້ນແຂວງ ສົມທົບຫ້ອງການຊສ ເມືອງວຽງໄຊ, ອຳນາດການປົກຄອງບ້ານ, ໂຮງຮຽນ ເພື່ອຈັດຕັ້ງເຜີຍແຜ່ສ້າງຈິດສຳນຶກດ້ານສິ່ງແວດລ້ອມ ຢູ່ທີ່ສະໂມສອນບ້ານ ບັກ, ບ້ານາໄກ່, ບ້ານລ້ອງກູ້, ບ້ານວຽງໄຊ,ບ້ານພູໄຊ ແລະໂຮງຮຽນສາມັນກິນນອນຊົນເຜົ່າ ເມືອງວຽງໄຊ , ໂດຍການເຂົ້າຮ່ວມຂອງທ່ານ ສີປະເສີດ ສີສົມບັດ ຮອງຫົວໜ້າຂະ ແໜງ ສິ່ງແວດລ້ອມ ພະແນກ ຊສ ແຂວງ, ມີທ່ານ ແສງເງິນ ແຜງພູວັນ ຮອງຫົວໜ້າຫ້ອງການ ຊສ ເມືອງວຽງໄຊ ມີພາກສ່ວນທີ່ກ່ຽວຂັ້ນແຂວງ, ເມືອງວຽງໄຊ ພ້ອມດ້ວຍອຳນວຍການໂຮງຮຽນ, ອຳນາດການປົກຄອງບ້ານ ແລະ ປະຊາຊົນພາຍໃນ 5 ບ້ານ ແລະ 1ໂຮງຮຽນ ເຂົ້າຮ່ວມ 882 ຍິງ 390ຄົນ.

ໃນວັນທີ 11 ມີນາ 2021 ພະແນກຊັບພະຍາກອນທໍາມະຊາດ ແລະ ສີ່ງແວດລ້ອມ ແຂວງ ຈັດກອງປະຊຸມເຊື່ອມຊືມເອກະສານກອງປະຊຸມໃຫ່ຍຄັ້ງທີ່ x ຂອງອົງຄະນະພັກແຂວງຫົວພັນ ໂດຍການເປັນປະທານຂອງທ່ານ ສະຖຽນ ວັນນະສຸກ ເລຂາຄະນະພັກ ຮາກຖານ ຫົວໜ້າພະແນກຊັບພະຍາກອນທໍາມະຊາດ ແລະ ສີ່ງແວດລ້ອມແຂວງ, ມີພະນັກງານ - ລັດຖະກອນພາຍໃນພະແນກ ເຂົ້າຮ່ວມຈໍານວນ 48 ທ່ານ ຍີງ 23 ທ່ານ 

ໃນວັນທີ​ 16 ມີນາ​ 2021​ນີ້ ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ ສຳເລັດພິທີເຜີຍແຜ່ມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດ ຄັ້ງທີ​ VIII​ ຂຶ້ນຢູ່ທີ ຫ້ອງປະຊຸມພະແນກ ຊສ ແຂວງຫົວພັນ ພິທີຄັ້ງນີ​ພາຍໃຕ້ການເປັນປະທານຮ່ວມຂອງ​ ສະຫາຍ​ ນ.​ ພອງທຳ​ ທຳມະທອງ​ ຄະນະບໍລິຫາ​ນງານສູນກາງ​ສະຫະພັນ​ກຳມະບານລາວ​ ປະທານສະຫະພັນກຳມະບານແຂວງ​ ມີ ສະຫາຍ ນາງ ພວງແສງ ໄຊຍະສິດ ຄະນະພັກຮາກຖານ ຮອງຫົວໜ້າພະແນກ ຊສ ມີປະທານ ຮອງປະທານ ກຳມະບານຮາກຖານ ຕະຫຼອດຮອດສະມາຊິກກຳມະບານ ພາຍໃນພະແນກ ເຂົ້າຮ່ວມຢ່າງພ້ອມພຽງ.

  1. ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງຫົວພັນຕີລາຄາວຽກງານຮອບດ້ານ
  2. ຄະນະກໍາມະການສິ່ງແວດລ້ອມແຂວງຫົວພັນສຳເລັດກອງປະຊຸມຄົບຄະນະກຳມະການສິ່ງແວດລ້ອມ ຂັ້ນແຂວງ ປະຈຳປີ2020 ແລະ ວາງທິດທາງແຜນການປີ 2021.
  3. ຊົມເຊີຍນາມມະຍົດທຸງໄຊນຳໜ້າ ຮາກຖານຊາວໜຸ່ມພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ
  4. ໜ່ວຍພັກທີ່ດິນ ທີ່ຂື້ນກັບຮາກຖານພັກພະແນກ ຊສ ແຂວງ ສຳເລັດການປະເມີນໜ່ວຍພັກປອດໄສ ເຂັ້ມແຂງ ໜັກແໜ້ນ ເປັນຄັ້ງທີ 3 ປະຈຳປີ2020 ແລະ ວາງທິດທາງແຜນການປີ 2021
  • You are here:  
  • Home