Details

ວັນທີ 2 ມີຖຸນາ 2020ນີ້ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫົວພັນ ສົມທົບກັບ ອົງການ ພັດທະນາ ແລະ ບໍລິຫານຕົວເມືອງຊໍາເໜືອ ລົງມອບປ້າຍ ທີ່ມີຊື່ວ່າ" ອອກແຮງແຂ່ງຂັນ ເສີມຂະ ຫຍາຍ ຫົວຄິດປະດິດສ້າງ ເພຶ່ອສ້າງໂຮງຮຽນ ໃຫ້ກາຍເປັນໂຮງຮຽນ ຂຽວ ສະອາດ ແລະ ງາມຕາ. ນຳທີມໂດຍ ທ່ານ ນາງ ພວງແສງ ໄຊຍະສິດ ຮອງຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ, ມີພາກສ່ວນກ່ຽວຂ້ອງຂັ້ນແຂວງ, ອຳນວຍການໂຮງຮຽນ ພ້ອມດ້ວຍນ້ອງນັກຮຽນ ທັງ 4 ໂຮງຮຽນ ເຂົ້າຮ່ວມຢ່າງພ້ອມພຽງ.

Details

ວັນທີ 27-28 ພຶດສະພາ 2020 ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ສົມທົບກັບ ກຸ່ມບໍລິສັດ ພົງຊັບທະວີ ຈຳກັດ ໃນນາມຜູ້ພັດທະນາໂຄງການເຂື່ອນໄຟຟ້າ ນໍ້າຊໍາ 1 ແລະ 3  ແລະ ພາກສ່ວນກ່ຽວຂ້ອງຂັ້ນແຂວງ ລົງເຄື່ອນໄຫວ ການຈັດຕັ້ງປະຕິບັດວຽກງານຄຸ້ມຄອງິ່ງແວດລ້ອມ ແລະ ຊົດເຊີຍຜົບກະທົບໂຄງການກໍ່ສ້າງເຂື່ອນໄຟຟ້ານໍ້າຊໍາ 1 ແລະ 3 ຢູ່ເມືອງຊໍາໃຕ້ ແຂວງຫົວພັນ ນຳພີມໂດຍ ທ່ານ ພັນທອງ ເພັດໄຊສົມພັນ ຮອງເລຂາພັກແຂວງ ຮອງເຈົ້າແຂວງ ແຂວງຫົວພັນ, ທ່ານ ສະຖຽນ ວັນນະສຸກ ກໍາມະການພັກແຂວງ ຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີພາກສ່ວນກ່ຽວຂ້ອງ ຂັ້ນແຂວງ, ເມືອງຊໍາໃຕ້ເຂົ້າຮ່ວມ  ຢ່າງພ້ອມພຽງ.

Details

ໃນລະຫວ່າງວັນທີ 25- 29 ພຶດສະພາ 2020 ທີມງານທີ່ກ່ຽວຂ້ອງຂັ້ນແຂວງ ປະກອບມີພະແນກ ຊັບ ພະຍາກອນທຳມະຊາດ ແລະ ສິ່ງແວດລ້ອມ, ພະແນກ ກະສິກຳ ແລະ ປ່າໄມ້, ພະແນກ ສາທາລະນະສຸກ ແຂວງຫົວພັນ ສົມທົບກັບ ຫ້ອງການ ຊສ ເມືອງຫົວເມືອງ ໄດ້ລົງໂຄສະນາສ້າງຈິດສໍານຶກ ກ່ຽວກັບ ຜົນຮ້າຍຂອງການ ນໍາໃຊ້ສານເຄມີ ເຂົ້າໃນການຜະລິດກະສິກຳ, ພ້ອມທັງເກັບກຳຂໍ້ມູນ ເບື້ອງຕົ້ນ ກ່ຽວກັບປະຫວັດການນໍາໃຊ້ສານເຄມີ, ບັນຫາຜົນກະທົບຕໍ່ກັບປະຊາຊົນ ແລະ ສິ່ງແວດລ້ອມໃນໄລຍະຜ່ານມາ ຢູ່ 7 ບ້ານ ຄື: ບ້ານນໍ້າຕີບ, ບ້ານໂຮມພັນ, ບ້ານໂຮມທອງ, ບ້ານສົບລາບ, ບ້ານໝໍ້, ບ້ານພຽງດີ ແລະ ບ້ານສົ້ນຂົວ ຊຶ່ງລວມມີຜູ້ເຂົ້າຮ່ວມທັງໝົດ 308 ຄົນ, ຍິງ 138ຄົນ.

Details

ວັນທີ່ 19 ພຶດສະພາ 2020ນີ້ ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ສົມທົບກັບຫ້ອງການ ຊສ ເມືອງ ຫົວເມືອງ ຈັດກອງປະຊຸມປະຊາສໍາພັນວຽກງານຂຶນທະບຽນອອກໃບຕາດິນຢູ່ບ້ານ ສົງຄາວ ໃຫ້ກຽດເປັນປະທານຮ່ວມໂດຍ : ທ່ານ ອອນພັນ ທອງທິດາ ເຈົ້າເມືອງຫົວເມືອງ ແລະ ທ່ານພອນສິນ ພົມປານດາ ຮອງຫົວຫນ້າພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ພ້ອມດ້ວຍທີມງານຂະແໜງການກ່ຽວຂ້ອງຂັ້ນແຂວງ,ເມືອງ ແລະ ອໍານາດການປົກຄອງບ້ານ ຕະຫລອດຮອດພໍ່ແມ່ປະຊາຊົນບ້ານສົງຄາວເຂົ້າຮ່ວມ 50 ກວ່າທ່ານ. 

Details

ວັນທີ 19 ມີນາ 2020 ພະແນກ ຊສ ແຂວງ ສຳເລັດກອງປະຊຸມ ສະຫຼຸບຜົນການປະເມີນ ລັດຖະກອນປະຈໍາປີ 2019, ຜົນການປະເມີນ ຫົວໜ້າຂະແໜງຮອງຫົວໜ້າຂະແໜງ , ພ້ອມທັງເຮັດວຽກງານການເມືອງແນວຄິດ ຕໍ່ພະນັກງານ ລັດຖະກອນ ພາຍໃນພະແນກ.
ກອງະຊຸມ ໂດຍການເປັນປະທານຂອງທ່ານ ສະຖຽນ ວັນນະສຸກ ກຳມະການພັກແຂວງ ຫົວໜ້າພະແນກ ຊສ ແຂວງ , ມີການນຳພະແນກ, ຫົວ ໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ ພາຍໃນພະແນກ ເຂົ້າຮ່ວມ 40 ກ່ວາຄົນ. 
  1. ທ່ານ ຮອງລັດຖະມົນຕີ ໂອລົມ ອ້າຍນ້ອງພະນັກງານລັດຖະກອນ ພາຍໃນພະແນກ ຊສ ແຂວງ
  2. ທ່ານ ຮອງລັດຖະມົນຕີ ກະຊວງຊສ ພ້ອມດ້ວຍທີມງານ ເຂົ້າພົບການນຳແຂວງ ຫົວພັນ
  3. ທ່ານ ຮອງລັດຖະມົນຕີ ພ້ອມດ້ວຍທີມງານ ຊຸກຍູ້ວຽກງານ ຢູ່ເມືອງຮ້ຽມ
  4. ທ່ານຮອງລັດຖະມົນຕີ ພ້ອມດ້ວຍທີມງານ ເຄື່ອນໄຫວເຮັດວຽກຢູ່ເມືອງ ຊ່ອນ
  • You are here:  
  • Home